Ov stórur biti: Føroyar taptu bronsudystin

Føroysku U16 genturnar endaðu á einum fjórða plássi í EM-kappingini, sum um vikuskiftið verður leikt í Høllini á Hálsi.

Svøríki gjørdist ein ov stórur biti í dystinum um bronsuna seinnapartin, og vann 3-0 í settum. Hetta hóast tað gjørdi spennandi í løtum, og serliga í síðsta settinum.

Tað koppaði tó til Svøríki, sum vann bronsuna við settúrslitunum 25-17, 25-20 og 25-22.

Klokkan 18:00 spæla Finnland og Danmark finalu, og klokkan 19:30 verður endahátíðarhald í Høllini á Hálsi, har steyp og gávur til bestu leikararnar verða latin.