Pætur og Jónas gjørt sáttmála við 07 Vestur

Tveir av ungdómsleikarunum hjá 07 Vestur, Pætur Askelsen og Jónas Prior, hava nú gjørt sáttmála við barndómsfelagið.

Pætur og Jónas, sum fyltu 16 fyrr í ár, í ávíkavist apríl og mai, umboða til dagligt U17-liðið hjá 07 Vestur, men teir hava eisini fingið sínar fyrstu dystir í 1. deild, og báðir hava eisini roynt at sita á bonkinum í Betri Deildini, skrivar 07 Vestur í tíðindaskrivi.

Sambært felagnum eru teir báðir teir fyrstu í sínum árgangi at gera sáttmála við 07 Vestur.

– Saman við Jón Nielsen, sum skrivaði sáttmála fyrr í ár, eru teir partur av sterka og evnaríka U17-hópinum, har væntandi fleiri koma at skriva sáttmála komandi tíðina.