Pætur Petersen aftur til føroyskan fótbólt

B36 boðar í kvøld frá, at Pætur Petersen kemur aftur til felagið at spæla. 28-ára gamli skálvíkingurin verður tøkur tá flytingarvindeygað letur upp tann 15. juni.

Samstundis takkar Torgeir Børven fyri seg. Felagið sigur, at av persónligum ávum fer 34 ára gamli framherjin aftur til Noregs.

Børven spældi 14 dystir og skeyt seks mál fyri B36 - seinast á Svangaskarði í gjár í 4-4 javnleikinum.

Torgeir Børven sæst renna við 11-talinum. Hann takkar nú fyri seg í B36 (Mynd: Sverri Egholm)

Pætur Petersen spældi við B36 í fjør men valdi í vetur at fara til Danmarkar at royna seg í Hillerød, sum endaði á 4. plássið í næstbestu donsku deildini.

Men í Hillerød bleiv tað ikki til teir nógvu minuttirnar, og hann fer tískil at royna seg aftur í Føroyum.

B36 er á 2. plássi í Meistaradeildini eftir 12.umfør. Nú landsliðssteðgr er, hava KÍ B36 og NSÍ, nummar eitt, tvey og trý, øll 26 stig.

Les eisini: AB sendi NSÍ av 1. plássinum - nú hava trý lið 26 stig