Sverri Egholm
Eru boð eftir Pálli Klettskarð til landsdystirnar móti Armenia og Norðurmakedonia í november, er hann klárur. Tað sigur hann við dimma.fo.
Málrevurin í KÍ seinastu nógvu árini hevur ikki fingið nógvar møguleikar á landsliðnum. Eftir at vera vrakaður ferð eftir ferð, vóru í juni boð eftir honum, men tá valdi hann at takka nei.
Nú Håkan Ericson og toymi hansara fyribils er skift út við Eyðun Klakstein og Atla Gregersen, hevur Páll Klettskarð nú aftur hug til landsliðið - um boð eru eftir honum, væl at merkja.
Fyrrverandi venjarin gav greitt til kennar, at hann hevði aðrar betri skikkaðar álopsspælarar, og tað kundi eg sum spælari ikki annað enn taka til eftirtektar. Nú er talan um nýggja støðu, og um eg nú hevði fingið landsliðsboð, so hevði eg tikið av, sigur Páll A. Klettskarð við dimma.fo
Páll Klettskarð er 34 ára gamal. Hann er skrásettur fyri 14 landsdystir frá 2013 til 2023.
----
Páll Klettskarð í apríl mánað: Landsliðið er farið fyri mítt viðkomandi
Vinarliga broyt tínar kennifíla - og privatlívsstillingar fyri at síggja hetta innihald