Agnar Prestá
Hallur Hansson gjørdist ikki nóg birgur at byrja - og kemur helst heldur ikki inn - tað verða tríggir miðverjar, og Páll Andrasson Klettskarð og Adrian Rúnason Justinussen fáa nú møguleikan.
Adrian hevur við við seinasta árið, men er, fyriuttan venjingardystir í mars, ikki byrjaður inni á A-landsliðnum. Páll Klettskarð hevur bara spælt ein A-landsdyst í sjey og eitt hálvt ár.
Tað er eisini áhugavert, at Teitur Matras Gestsson er aftur í málinum. Royndi HB-málverjin hevur ikki spælt kappingardyst fyri Føroyar síðani í juni 2023.
Sum væntað, spæla Føroyar við trimum miðverjum,
Føroyska liðið (5-4-1/3-4-3): Teitur Matras Gestsson - Jóannes Kalsø Danielsen, Andrias Edmundsson, Gunnar Vatnhamar, Odmar Færø, Viljormur Davidsen (L) . Jóannes Bjartalíð, Brandur Hendrikson Olsen, René Shaki Joensen og Adrian Rúnason Justinussen - Páll Andrasson Klettskarð.
Fyribils venjararnir Eyðun Klakstein og Atli Gregersen hava eisini spennandi møguleikar á bonkinum, har menn sum Meinhard Egilsson Olsen, Hanus Sørensen, Sølvi Vatnhamar, Petur Knudsen og ársins ungi spælari, Poul Kallsberg, sita - Hallur Hansson er í gaggum og fær kanska spælt eina løtu.
Nations League Deild C, bólkur 4
5. umfar - í dag, hósdagin 14.11 á Vazgen Sargsyan Republican Stadium
17.00 Armenia - Føroyar
Portalurin koyrir beinleiðis blogg eina løtu upp til dystin og undir dystinum. Eftir dystin hava vit viðmerkingar úr føroysku leguni. Kringvarpið vísir dystin - FM1 sigur frá á staðnum.
Støðan í bólkinum eftir fýra umfør - tvey resta í:
1. Norðurmakedónia 10 stig
2. Armenia 4 stig
3. Lettland 4 stig
4. Føroyar 3 stig
Niðasta liðið eftir seks umfør flytir niður ella skal spæla um tað
Vinarliga broyt tínar kennifíla - og privatlívsstillingar fyri at síggja hetta innihald