Agnar Prestá
Pernille Brandenborg og Storhamar eru millum stóru favorittarnir til steypini í Noreg hetta kappingarárið, og nú er greitt, at liðið skal spæla steypafinalu.
Hetta kom í hús við 27-21 sigri í Molde í gjárkvøldið.
Storhamar hevði tamarhald á dystinum og var á odda við fimm málum í steðginum.
Føroyski landsliðsliðskiparin spældi stóran leiklut á strikuni og í miðverjuni. Fá mál komu ígjøgnum, og í álopinum gjørdi Pernille Brandenborg við seks málum, umframt at hon vann Storhamar tvey brotskøst.
Harvið var 28-ára gamli føroyinguin næstovast á toppskjúttalistanum í norsku steypahálvfinalunu - millum jól og nýggjár skal hon spæla steypafinalu. Tað verður helst móti Larvik.
Áðrenn tað er eitt spenanndi HM fyri framman, sum Pernille Brandenborg sjálvandi er úttikin til. Áðrenn hon hittist við landsliðsliðfeløgunum í Føroyum, hevu strikuspælarin tó millum annað eina stóruppgávu við Storhamar sunnudagin: Í Ungarn móti verandi Champions League-vinnarunum Győr.
Vinarliga broyt tínar kennifíla - og privatlívsstillingar fyri at síggja hetta innihald