Agnar Prestá
Pernille Brandenborg er farin undir nýtt hondbóltsævintýr hjá rumenska meistaraliðnum.
CSM Bucaresti er eisini byrjað væl í landskappingini. Hetta við tveimum sigrum; í báðum førum í grannaupgerð.
Í 1. umfari var talan um tættan dyst móti Rapid Bucuresti, har Pernille skoraði nøkur mál. Í gjár, týsdagin, fekk CSU Stiinta Bucuresti veruliga oyruni í maskinuna.
CSM Bucuresti vann 45-25 eftir hálvleiksstøðuna 21-13.
Brandenborg gjørdi bart: Hon skoraði níggju ferðir av strikuni. Tað var bert danski landsliðsspælarin Emma Friis, ið skoraði fleiri mál í dystinum (11)
Pernille Brandenborg spældi meira enn Tatijana Brnovic, sterki strikuspælarin úr Montenegro, og vann eisini liðnum eitt brotskast.
Harvið fult stigatal í rumensku landskappingini. Leygardagin klokkan 15 bíðar fyrsta spennandi uppgávan í Champions League-bólkaspælinum. Slovenska Ljubljana Krim tekur tá ímóti.
Vinarliga broyt tínar kennifíla - og privatlívsstillingar fyri at síggja hetta innihald