Agnar Prestá
Tað kom meira lív í dystin við Djúpumýru í seinna hálvleiki, men tíverri fyri Víking var tað útiliðið, ið legði seg á odda. Inter Club D' Escaldes hevði yvirtakið eina løtu, og í samband við hornaspark var bólturin stútaður í málið. Eins og í Andorra, har bæði málini komu inn við deyðbóltum, var støðan ikki nóg væl avgreidd hjá Víkingi: Bólturin varð stútaður víðari, og eingin dekkaði málskjúttan upp.
Víkingur svaraði tó aftur, tá man slepti hondbremsuni meira. Eins og í fyrra dystinum var tað Sølvi Vatnhamar, ið skoraði trygt við brotssparki. 1-1 og aftur eitt mál, ið restaði í, fyri at fáa longda leiktíð.
Les um 1. hálvleik meira: Víkingur leitar eftir málinum
Heimaliðið søkti at. Ingi Jonhardsson hevði tvær skotroyndir, og aðrar innlegsstøður vóru. Í 97. minutti datt bólturin út til Arnbjørn Svensson, ið smekkaði bóltin í málhornið. Stórur fagnaður, men brádliga varð alt blást av: Ein Víkingur hevði staðið rangstaddur og órógvað málverjan var dómurin.
Harvið endaði tað 2-3 samanlagt, og Víkingur megnaði ikki at spæla seg víðari, men kann fáa ymiskan lærdóm við, hóast samlaða avrikið yvir tveir dystir ikki var tað besta.
Conference League, 1. umfar og seinni dysturin
Í dag, hósdagin 20. juli - Við Djúpumýrar
Víkingur- Inter Club D' Escaldes 1-1 (0-0) - 2-3 samanlagt
65' Sascha Andreu 0-1
76' Sølvi Vatnhamar (br.) 1-1
Víkingur (4-3-2-1): Bárður á Reynatrøð - Signar á Brúnni, Atli Gregersen (L), Arnbjørn Svensson, Ingi Jonhardsson - Aron Jarnskor Ellingsgaard, Geza David Turi - Jákup Johansen, Sølvi Vatnhamar, Olaf Bárðarson - Martin Klein Joensen
Hesir komu inn: Finnur Justinussen, Ari Olsen, Poul Kallsberg
Vinarliga broyt tínar kennifíla - og privatlívsstillingar fyri at síggja hetta innihald