Ronja nýggjur fysiskur venjari í EB/Streymi

24 ára gamla Ronja H. Joensen av Skála, hevur seinastu tvey árini verið fysiskur venjari hjá besta mansliðnum á Skála. Nú hevur hon fingið eina nýggja avbjóðing.

Ronja skal taka sær av fysiska partinum hjá besta mansliðnum, besta kvinnuliðnum og ungdóminum í EB/Streymi

- Tískil uppraðfesta vit við hesari undirskriftini allan fysiska partin í felagnum, og talan er um førleikar, ið vit í felagnum vænta sera stóra gleði av komandi árið.

Soleiðis skrivar EB/Streymur á Facebook-síðu sínari. Felagið hevur í 2022 havt Óla Hendrik av Fløtum tilknýttan besta mansliðnum, og hevur havnarmaðurin flut liðið á fysiska økinum - nú kemur ein venjari, ið skal virka rundanum í øllum felagnum.

Um nýggja fysiska venjarin skrivar EB/Streymur:

- Ronja er væl lisin og er útbúgvin persónligur venjari, arbeiðir í Burn og lesur til lærara. Umframt tað hevur Ronja tikið útbúgvingar innan kostráðgeving, massør og annað.