Hondbóltur

Royndur málverji í hjálparvenjarasessin

Levi Tróndarson Nybo er nýggjur hjálparvenjari hjá besta mansliðnum hjá StÍF.

Levi Tróndarson Nybo, Rúni Rasmussen, formaður í StÍF og Borce Markovski

Levi Tróndarson Nybo, Rúni Rasmussen, formaður í StÍF og Borce Markovski

2020-10-23 19:49 Author image
Sverri Egholm
placeholder

Levi Tróndarson Nybo er settur sum nýggjur hjálparvenjari hjá besta mansliðnum hjá StÍF. Hesum boðar StÍF frá í dag.

Hann skal hjálpa til við venjingum og dystum hjá besta liðnum í tøttum  samráði og samstarvi við høvuðsvenjaran Borce Markovski.

Levi hevur drúgvur hondbóltsroyndir, bæði sum leikari í bestu deild og sum málsmansvenjari, og hevur seinastu átta árini verið verið partur av besta mansliðnum hjá StÍF sum leikari og málmansvenjari.

Hann spældi í fleiri ár ár við besta liðnum hjá H71, har hann var við til at vinna FM í 2009. Fleiri ferðir bleiv hann kosin til ársins málmann.

Menninir hjá StÍF liggja á næst aftasta plássið við fýra stigum eftir sjey dystir, og spæla á heimavølli leygardagin móti VÍF.

 

placeholder
placeholder