Rúni Rasmussen nýggjur formaður í StÍF

Nýggi formaðurin í StÍF er Rúni Rassmusen. Hann tekur yvir eftir Alexandur Johansen, sum hevur verið formaður í felagnum í 10 ár, og hann er eisini farin úr nevndini.

Tað skrivar felagið á heimasíðuni.

Tríggir nýggir nevndarlimir vórðu valdir á aðalfundinum hjá StÍF herfyri. Nýggj í nevndini eru Teitur V. Nilssen, Jóannes E. Markná og Rúni Rasmussen. Úr nevndini fóru Jóannes A. Prestá, Poul Kári Simonsen og Alexandur Johansen.

Hini í nevndini eru: Jón L. Rasmussen, Janneth Heinesen, Paula Berg Høgnesen og Elin Maria Bærentsen.

Næstformaður er Jóannes E. Markná, peningarøkil er Paula Berg Høgnesen og Elin Maria Bærentsen er skrivari.