Fótbóltur

Russland útihýst frá EM í Týsklandi

Nú er endaliga greitt, at Russland ikki sleppur at luttaka, eftir at kæran hjá russiska fótbóltssambandinum varð avvíst av altjóða ítróttadómstólinum.

Í september 2018 varð avdúkað, at EM í 2024 verður í Týsklandi (Mynd: EPA)

Í september 2018 varð avdúkað, at EM í 2024 verður í Týsklandi (Mynd: EPA)

2022-09-21 14:00 Author image
Alda Nielsdóttir
placeholder

Í februar varð Russland útihýst úr altjóða fótbóltskappingum í kjalarvørrinum á russisku innrásini í Ukraina, og UEFA og russiska fótbóltssambandið RFU váttaðu týsdagin, at tað nú er endaliga greitt, at Russland ikki sleppur at luttaka í EM í fótbólti í 2024.

Tað skriva fleiri altjóða miðlar.

Komandi EM-kappingin verður í Týsklandi, og 9. oktober verður lutakastið til undankappingina, sum byrjar í mars næsta ár.

Russiska fótbóltssambandið kærdi avgerðina hjá UEFA og FIFA, men kæran varð avvíst av altjóða ítróttadómstólinum CAS.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder