Fótbóltur

Seinastu dystirnir verða sunnudagin

Seinasta umfarið er flutt ein dag, og verður sunnudagin. Orsøkin er, at KÍ skal spæla dyst í Conference League hósdagin.

Triðja árið á rað kann Jákup Biskopstø Andreasen lyfta steypið. Tað verður sunnudagin (Savnsmynd: Bjarni Enghamar)

2023-10-23 17:14

Sverri Egholm

Vanliga verður seinasta umfar í Betri deildini við monnum leikt leygardag, og onkur av feløgunum hava ársveitslu um kvøldi.

Men soleiðis verður ikki í ár. Tí avgerð er nú tikin um, at allir dystirnir í 27. umfari verða leiktir sunnudagin 29. oktober.

Orsøkin er, at KÍ spælir dyst í Conference League-bólkaspælinum á Tórsvølli hóskvøldið.

Alir dystirnir sunnudagin eru ásettir at byrja klokkan 15.

27. umfar (sunnudagin 29. oktober)
KÍ - Víkingur (15:00)
EB/Streymur - HB (15:00)
ÍF - B68 (15:00)
AB - B36 (15:00)
TB - 07 Vestur (15:00)

Vinarliga broyt tínar kennifíla - og privatlívsstillingar fyri at síggja hetta innihald