Agnar Prestá
Keypmannahavn, Danmark (Portalurin) - Seint í kvøldi setti KÍ-hópurin kósina móti Keypmannahavn. Har verður gist í nátt, og í morgin verður koyrt yvir til Göteborg við bussi. Har skal liðið hjá Magna Hoseth royna at aftur spæla seg víðari í Champions League.
Eftir fyrsta umfar og 0-0 í fyrra dystinum í 2. umfari eru vónirnar góðar, men nú bíðar trupla uppgávan á útivølli móti svensku meistarunum. René Shaki Joensen heldur, at KÍ er í góðari støðu at gera nakað við Häcken og sum heild til hesar evropeisku dystirnar
- Nógvir spælarar eru við nógvum royndum, vit kenna hvønn annan, og vita hvørjum vit møta, og hvat vit skulu gera
Hetta var 30-ára gamli havnarmaðurin inni á í samrøðu við Portalinum undan fráferð í Vágunum. Hetta er annað árið hjá René í KÍ, og í leguni merkir man, at tað er ikki langt frá, at dreymurin um bólkaspælið gongur út.
Les eisini: Soleiðis kann KÍ koma í eitt bólkaspæl
Tó hugsavna vit okkum nú veruliga um uppgávuna, staðfestir Shaki, ið hevur staðið sera sterkur í myndini í evropeisku dystunum í summar. Hann hevur mest spælt vongbakkur, og í móti Häcken í Klaksvík stóð hann seg heilt væl yvirfyri sterkasta vápnunum hjá svenska liðnum og kom eisini við góðum túrum frameftir. Í Ungarn pilkaði hann bóltin frá mótstøðuleikara á teirra hálvu, rak og legði útfrá og skapti harvið í stóran mun málið til 2-0.
Í annaðkvøld skulu René Shaki Joensen og hinir í bláum royna at taka eitt fet víðari móti svensku favorittunum. Fyrsta bríksl í Champions League-dystinum í Göteborg í morgin verður klokkan 18 føroyska tíð.
Vit hava meira tilfar úr KÍ-leguni í morgin.
Vinarliga broyt tínar kennifíla - og privatlívsstillingar fyri at síggja hetta innihald