Annað

Signhild, Alvi og Óli fyrireika seg til HM í Suðurkorea

Talan er um heimsmeistarastevnu á langgeil - mánadagin fer fyrsti føroyingurin í hylin í Gwangju.

Alvi Hjelm, her í hylinum á Oyggjaleikunum, er ein av teimum trimum svimjarunum, sum í komandi viku skulu umboða Føroyar til HM á langgeil (Mynd: Sverri Egholm)

Alvi Hjelm, her í hylinum á Oyggjaleikunum, er ein av teimum trimum svimjarunum, sum í komandi viku skulu umboða Føroyar til HM á langgeil (Mynd: Sverri Egholm)

2019-07-18 10:29 Author image
Agnar Prestá
placeholder

HM í Suðurkorea fer í gongd sunnudagin, og í løtuni er føroyska toymi í Gwangju og fyrireikar seg til stóru og spennandi uppgávuna.

Teir tríggir úttiknu svimjararnir vóru allir við á Oyggjaleikunum í seinastu viku.

Svimjararnir eru:

  • Signhild Joensen (2000), Ægir
  • Óli Mortensen (1996), Havnar Svimjifelag
  • Alvi Hjelm (1996), Havnar Svimjifelag

Svimjing.com skrivar, at Signhild og Óli hava klárað ásettu kravtíðir til heimsmeistarastevnuna, meðan Alvi er úttikin afturat vegna góð úrslit í hesi svimjihálvu.

Ferðaleiðari er Lis Gøthe í Jákupsstovu, og Juan Jaime Arroyo Toledo er venjari hjá føroysku svimjarunum.

Formaðurin í svimjisambandinum, Rókur í Jákupsstovu, er eisini við á ferðini. Í samband við HM er aðalfundur hjá FINA í Gwangju í morgin, 19. juli.

Mánadagin skal Signhild Joensen royna seg sum tann fyrsti føroyski svimjarin.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder