Agnar Prestá
Á middegi fór lutakastið til 2. umfar í Europa League í gongd. Har gjørdist greitt, at B36 fekk besta møguliga lutakastið, ið felagið kundi fáa, og tað sum Jákup á Borg ynskti: Heimavøll og tað, á pappírinum, veikasta liðið. Hinir møguleikarnir vóru FCK og Motherwell.
Les eisini: Ynskilutakast hjá B36
- Sjálvandi er talan um eitt sterkt lið
The New Saints megnaði tó, hóast manglandi dystarvenjing, at koppa Zilina úr Slovakia eftir longda leiktíð á heimavølli í farnu viku og harvið spæla seg víðari til 2. umfar. Felagið hevur eisini koppað B36 einaferð fyrr, og tað var í 1. umfari í Champions League í 2015, tá tað endaði 6-2 samanlagt.
Eins og tá er Adrian Cieslewicz á liðnum hjá The New Saints. Hann er partvís uppvaksin í Vági - er sonur Robert Cieslewicz ið vann FM við VB í 2000 - og spældi við B36 í seinnu hálvu í 2014.
Vinarliga broyt tínar kennifíla - og privatlívsstillingar fyri at síggja hetta innihald