Agnar Prestá
Víkingur hevur gjørt sáttmála við nýggjan hjálparvenjara til besta mansliðið.
Talan er um Sjúrð Jacobsen, sum umframt at hava eina fortíð við yvir 300 dystum á hægsta stigi í Føroyum, hevur verið nógv virkin sum venjari seinast árini.
Eftir at hann gavst sum spælarí EB/Streymi varð Sjúrður Jacobsen hjálparvenjari har, síðani fór hann til Skála, áðrenn glyvramaðurin í 2020 gjørdist hjálparvenjari hjá Mikkjali Thomasen.
Tey fýra árini í Klaksvík, har Sjúrður býr, vann KÍ trý FM og kom í eitt evropeiskt bólkaspæl.
Hartarbeiðandi og fryntligi venjarin skifti síðani aftur til EB/Streym, har hann í ár hevur verið við at hildið næstbesta liðnum uppi í 1. deild.
Nú verður tað aftur sum hjálparvenjari í Betrideildini, at Sjúrður Jacobsen skal virka.
Ólavur Mikkelsen fór úr hesum sessinum í iSarpugerði í mars fyri at verða U21-landsliðsvenjari. Tað mesta av kappingarárinum hevur Óla Kristian Skaál Jacobsen verið hjálparvenjari hjá Víkingi. Liðið endaði á 4. plássið.
Keldur: Víkingur og FaroeSoccer
Vinarliga broyt tínar kennifíla - og privatlívsstillingar fyri at síggja hetta innihald