Fótbóltur

Skála og Víkingur hittast aftur

Fyri aðru ferð uppá fáar dagar vitjar Víkingur á Skála; talan er um eina endurtøku av hálvfinaluni í 2016.

Víkingur vann sunnudagin Undir Mýruhjalla í Betrideildini (Mynd: Sverri Egholm)

Víkingur vann sunnudagin Undir Mýruhjalla í Betrideildini (Mynd: Sverri Egholm)

2019-05-09 15:31 Author image
Agnar Prestá

Sunnudagin spældu Skála og Víkingur í Betrideildini. Undan dystinum vóru liðini  ávíkavist nummar tvey og trý, og tí var talan um ein umráðandi dyst. Tað endaði við, at víkingarnir vóru omaná í málríkum dysti.

Les meira: Víkingur sló til á Skála

Í kvøld snýr tað seg um steypakappingina, tá liðini hittast. Eins og fyri trimum árum síðani spæla liðini fyrru hálvfinaluna á Skála. Tá vann Víkingur 1-0, og í seinnu hálvfinaluni endaði tað 1-1. Harvið megnaði Vìkingur akkurat at koppa skálamonnum, ið tá vóru í hálvfinaluni fyri fyrstu ferð í tíggju ár.

Nú er Skála aftur, og liðið er í løtuni væl við í stríðnum um evropeisku plássini í Betrideidlini. Tað er Víkingur eisini; liðið hjá Sámal Erik Hentze er fýra stig frá fyrsta plássinum og hevur vunnið seks dystir á rað í báðum kappingum. Víkingur skal royna at náa sínari sjeyndu steypafinalu í søguni - Skála hevur ongatníð spælt steypafinalun áður.

[object Object]
(Mynd: Sverri Egholm) 

Víkingur hevur gott tak á Skála, men liðið á vestara armi av Skálafjørðinum er í menning, og lagt er upp til spennandi hálvfinalur. Teir appelsinlittu skulu reisa seg í kvøkd, og hava nú miðverjuna tøka aftur. Fróði Benjaminsen og Jákup Jakobsen vóru ikki við sunnudagin og hetta merktist. Skála hevði framanundan 3-2 tapinum bert latið trý mál inn í sjey dystum í Betrideildini. Hjá Víkingi er Lava við aftur, og Adeshina Lawal er eisini við at verða klárur eftir skaða. 

Til ber at fylgja gongdini og málskjúttum á forsíðu okkara á portal.fo.

Fyrra hálvfinalan í Kappingini um Løgmanssteypið 
18.00: Skála - Víkingur 

placeholder