Fótbóltur

Skotar síggjast aftur í býarmyndini

Skotska flaggið er hongt upp á Essabarr, og í býnum síggjast skotar í kilti í hópatali.

2021-10-11 20:45 Author image
Sverri Egholm
placeholder

At fleiri hundrað skotskir áskoðarar verða til HM-undankappingardystin millum Føroyar og Skotland á Tórsvølli klokkan 19:45, sæst longu aftur í høvuðsstaðnum.

Tey, sum hava havt ørindi í miðbýarøkinum í Havn hava uttan iva lagt merki til fólk í kilti og kanska fingið eyga á onkra sekkjapípu.

Á endavegginum á Essabarr sæst eitt stórt skotskt flagg, og uttanfyri síggjast fleiri skotar í góðum lag práta sína millum.

Skotska fjepparafelagið Tartan Army hevur ymiskt virksemi í Havnini í morgin. Klokkan 13 fer felagið at handa Javna eina peningagávu til at betra um umstøðurnar fyri rørslutarnað í Grasagarði. Klokkan 14 verður stuðulsdystur millum føroyska fjepparafelagið Skansan og Tartan Army á Ovara vølli.

Sum skilst eru áleið 500 atgongumerki til dystin í annaðkvøld eru seld til skotskar fjepparar.

Føroyar - Skotland (12. oktober kl. 19:45) - Tórsvøllur


Sí eisini:

Video: Ári Mohr Jónsson: - Havi ferð og renniorku - skal verða meira bólttryggur og kyniskur

Håkan: - Skulu hava bóltin meira og flyta hann betri

Video: - Skulu koyra við fullari skrúðu í morgin


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder