Skulu royna at bjóða Rumenia av aftur hesaferð

Leygarkvøldið var fullsett í Høllini á Hálsi, tá manslandsliðið spældi móti Týsklandi og avrikaði heilt væl í fyrra hálvleiki.

Í annaðkvøld skulu føroysku kvinnurnar takast við Rumenia á Hálsi og royna at skapa ein spenanndi dyst móti stórfavorittunum.

Tað gjørdu Føroyar í 2019, tá Rumenia vitjaði - í steðginum vóru Føroyar á odda, áðrenn rumenska verjan av álvara vísti styrki í 2. hálvleiki. Í fyrsta dystinum í hesari undankappingini, í oktober í fjør, gjørdi debutanturin Jana Mittún vart við seg, føroyska spælið var gott, munurin í steðginum var bert eitt mál, og tað var ikki fyrrenn síðstu løtuna, at rumenar drógu frá.

Aftur hesaferð er Rumenia stórfavorittur á pappírinum, men unga liðið hjá Sonna Larsen er á heimavølli og kann bíta frá sær. Talan er um næstseinasta umfar í EM-undankappingini.

Í mun til undanfarnu dystir móti Rumenia, er Cristina Neagu. Hon hevur verið úti við skaða, seinast liðini hava spælt. Talan er ikki um ein og hvønn leikara, ið vitjar: Neagu er kosin heimsins besti hondbóltsleikari heili fimm ferðir.

Hondbóltssambandið boðar frá, at til ber at keypa atgongumerki til dystin á atgongumerki.fo.

Føroyski hópurin: