Skulu stríðast móti vertunum seinnapartin

Í gjár kom hópurin uppá pláss í Minsk eftir langa ferð. Tað er í hvítarussiska høvuðsstaðnum, at Føroyar í dag skulu takast við vertirnar fyri HM-undankappingardystunum, ið trý lið skulu spæla ímóti hvørjum øðrum hetta vikuskifti.

Sveis er triðja liðið, og tað er mótsstøðan hjá Føroyum leygardagin. Fyrst skal fokus tó vera á Hvítarussland, ið er stórfavorittur til dystin seinnapartin.

Fyrsta bríksl verður klokkan 15, og unga føroyska liðið, ið vandi í Minsk í gjárkvøldið, skal tá av álvara standa sína roynd. 

Dysturin verður vístur í Kringvarpinum, og FM1 hevur eisini beinleiðis frásøgn.


Hópurin hjá Føroyum í høllini í Minsk (Mynd: Hondbóltssamband Føroya)