Sløkkiliðið og løgreglan máttu upp í leikin

Sløkkiliðið og løgreglan fóru rennandi yvir til Skansaáskoðararnar á suðursíðuni á Tórsvølli stutt fyri hálvleik í spennandi Føroyar-Danmark-dystinum í gjárkvøldið.

Ein fjeppari hevði tikið eina roykbumbu við sær inn á Tórsvøll, og festi í.

Viðkomandi varð skjótt funnin og burturvístur.

Skansin harmast í dag um hendingina, og biður um almenna umbering.

- Vit kenna okkum hava ein part av ábyrgdini í hesum, tí at viðkomandi var við sum partur av Skansanum, og vilja vit tí koma við einari almennari umbering. Tí hetta má og skal ikki henda, sigur nevndin í Skansanum.

- Har eru strangar altjóða reglur í samband við tílíkt, og verður hetta tikið í størsta álvara. So um tit, eins og vit, ynskja at Skansin framhaldandi skal hava loyvi at virka undir somu, sera góðu treytum, ið vit í løtuni hava, er tað av alstórum týdningi at reglurnar verða tiknar í álvara. Slíkt má ikki henda aftur, stendur í umberingini.

Lagt verður afturat, at annars vóru fjeppararnir fyrimyndarligir.

Á viðheftu myndini niðanfyri sæst hvat ikki er loyvt at hava við sær til landsdyst.

Týskvøldið er síðsti landsdystur hjá A-landsliðnum í ein góðan mánað, tá kemur Moldova á vitjan. Dystarbríksl er klokkan 19:45.