Fótbóltur

So bragdaði hjá Liverpool

Harvey Elliott skoraði einasta málið í FA Cup-umdystinum móti Wolves við góðum langskoti. Fýra lið úr næstbestu deildini spældu seg eisini víðari í gjár.

Harvey Elliott avgjørdi fyri Liverpool, tá hann tók sakina í egnar hendur (Mynd: EPA)

Harvey Elliott avgjørdi fyri Liverpool, tá hann tók sakina í egnar hendur (Mynd: EPA)

2023-01-18 10:15 Author image
Agnar Prestá
placeholder

Fimm umdystir í triðja umfari í FA Cup vórðu spældir í gjárkvøldið. 

Tann størsti av hesum var Premier League-uppgerðin millum Wolves og Liverpool. Bæði liðini spældu tó við nógvum eykaleikarunum, og har skaraði serliga 18-ára gamli spanski sentrali miðvallarin, Stefan Bajcetic, framúr. Tað var tó Harvey Elliott, ið skoraði einsamalla málið í dystinum, og tað var frálíkt. 19-ára gamli álopskendi miðvallarin fekk bóltin nakað til høgru á egnari hálvu, rak umleið 30 metrar og smekkaði síðani til.

Liverpool hevur havt tað heldur trupult eftir HM-steðgin, og tað er tí eitt stórt pluss hjá steypavinnarunum at koma víðari, eftir at neyðugt varð við umdysti. Leygardagin er heimadystir á skránni móti Chelsea.



Fýra onnur lið komu víðari - øll úr The Championshipo. Birmingham, Luton og Bristol City vunnu øll 2-1 á útivølli: Birmingham á liðið úr League One, Luton á Wigan úr somu deild, og Bristol City eftir longda leiktíð í Wales. West Bromwich megnaði 7. januar við neyð og deyð at fáa javnleik móti Chesterfield úr National League - í gjár endaði tað við sannførandi 4-0 sigri.

Dysturin milum Boreham Wood úr National League og Accrington Stanley varð útsettur eina viku vegna vánaligar vallarumstøður. Í kvøld er uppgerð millum lið úr Premier League og Championship: Leeds og Cardiff.

FA Cup 3. umfar (umdystir)
Í gjár - týsdagin 17.01

Wolves - Liverpool 0-1
Forest Green - Birmingham 1-2
Wigan - Luton 1-2
Swansea - Bristol City 1-2  *
Eftir longda leiktíð
West Bromwich - Chesterfield 4-0

Í dag - mikudagin 18.01
19.45: Leeds - Cardiff

Týsdagin 24.01
Accrington - Boreham Wood

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder