Solskjær er einasta navnið á listanum

Manchester United hevur inntil víðari bara eitt navn á listanum yvir møguligan framtíðar venjara, og tað er fyribils venjarin Ole Gunnar Solskjær.

Sambært keldum hjá ESPN hevur felagið ikki sett seg í samband við nakran annan venjara um at taka yvir venjarastarvið, tá nýggja kappingarárið byrjar.

Felagið varð sett í samband við Mauricio Poccetino og Massimiliano Allegri sum møguligar komandi venjarar, men góðu úrslitini hjá Solskjær hevur nú gjørt, at hann er einasta navnið á listanum.

Síðani Solskjær setti seg í heita stólin, hevur Manchester United vunnið 12 dystir, spælt tveir javnleikir og tapt ein dyst.