Hondbóltur

Sonni og Finnur halda fram

Hondbóltssambandið boðar frá, at venjaratoymið, ið fyrst varð fyribils sett, eisini stendur á odda í november, tá Føroyar spæla HM play-off dystir móti Kosovo. Sonni Larsen skal eisini arbeiða saman við ungdómslandsliðsvenjarum og partvíst hava ábyrgd av U6-kvinnum.

35-ára gamli danin hevur áður staðið á odda fyri U21 og A-landsliðnum hjá monnum og bestu liðunum hjá H71, og nú er greitt, at Sonni Larsen næsta árið verður partur av arbeiðnum hjá HSF (Mynd: Sverri Egholm)

35-ára gamli danin hevur áður staðið á odda fyri U21 og A-landsliðnum hjá monnum og bestu liðunum hjá H71, og nú er greitt, at Sonni Larsen næsta árið verður partur av arbeiðnum hjá HSF (Mynd: Sverri Egholm)

2022-08-16 15:17 Author image
Agnar Prestá
placeholder

Seint í fjør segði Dragan Brljevic seg úr starvi sum høvuðsvenjari hjá kvinnulandsliðnum. Finnur Hansson helt fram sum hjálparvenjari, og Sonni Larsen tók við sum høvuðsvenjari.

Sonni og Finnur stóðu harvið á odda teir seinastu fýra dystirnar í EM-undankappingini, ið vórðu leiktir í vár, har føroyska liðið framdu nøkur góð avrik, og 
nú er greitt, at venjaratoymið hjá føroyska kvinnulandsliðnum heldur fram. 

Hesum boðar Hondbóltssamband Føroya frá í dag. 

Føroysku kvinnurnar skulu spæla 1. umfar av HM-undankappingini í tveimum play-off dystum móti Kosovo. Tann fyrri verður mikudagin 2. november í Høllini á Hálsi - hin seinni verður 5. ella 6. november á útivølli.

Harvið er uppgávan hjá venjaratoyminum nú at fyrireika liðið til hesa uppgávuna. Talan er um ein eitt-ára sáttmála millum Hondbóltssambandið og Sonna Larsen, sambært danska hondbóltsmiðlinum hbold.dk. 

Sonni Larsen skal eisini arbeiða saman við ungdómslandsliðsvenjarum og verður somuleiðis venjari hjá U06-kvinnum saman við Agnari Joensen, skrivar hsf.fo.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder