Fótbóltur

Sonni Ragnar skiftir til FC Fredericia

Landsliðsleikarin hevur skrivað undir 2,5 ára sáttmála.

Savnsmynd: Sverri Egholm

Savnsmynd: Sverri Egholm

2019-02-01 15:58 Author image
Ari av Rana

Sonni Ragnar Nattestad skiftir til FC Fredericia úr norska Molde. Danska felagið skrivar á Facebook, at felagið hevur gjørt 2,5 ára sáttmála við føroyska landsliðsleikaran.

Stjórin í FC Fredericia sigur, at talan er um ein framúr góðan leikara, og at felagið hevur gjørt kvettið.

Fyrsta liðið hjá FC Fredericia er í løtuni í Antalya í Turkalandi, og Sonni Ragnar møtist við liðinum í morgin.

FC Fredericia spælir í næst bestu donsku fótbóltsdeildini.