Sorin Anghel longt við AB

AB kunngjørdi í gjárkvøldið, at felagið hevur gjørt avtalur við venjarar og ein nýggjan leikara.

Sorin Anghel, ið hevur verið í Føroyum síðani 2000 og veruliga gjørt um seg sum leikari, førdi í fjør AB til bjarging í Betri-deildini í sínari fyrstu uppgávu sum høvuðsvenjari. Greitt var, at hann skuldi halda fram á Argjum, og nú hevur Sorin skrivað undir ein trý-ára sáttmála. 

Hópurin hjá AB er bygdur upp við egnum leikarum. Í gjárkvøldið kunngjørdi AB sín fyrsta styrk til komandi ár. Talan er um 21-ára gamla Hera Hjalt Mohr, ið kemur úr HB. Hann var við til at vinna steypakappingina hjá U21 í august, og hevur spælt 34 dystir í fremstu deildini; harav níggju við TB í 2016.


(Heri Hjalt Mohr er nýggjur leikari á Argjum - Mynd: AB)

AB hevur eisini kunngjørt, at FM-venjarin hjá U21, Allan Mørkøre, heldur fram í felagnum. Fyrrverandi landsliðsleikarin hevur í nógv ár virkað sum venjari á Argjum. Hann skal eisini hava ábyrgd av U17-liðnum hjá AB