Fótbóltur

Stefan skorar hvørja ferð á Svangaskarði

Miðvallarin á føroyska U21-landsliðnum skoraði einsamalla málið í dystinum móti Montenegro, og tvøramaðurin í B36 hevur nú trý mál í trimum landsdystum á Toftum.

Mynd: Sverri Egholm

Mynd: Sverri Egholm

2020-10-14 14:33 Author image
Agnar Prestá
placeholder

Hann hevur spælt í øllum dystunum í verandi undankapping hjá U21-landsliðnum og er toppskjútti hjá liðnum við trimum málum. Í gjár spældi hann 89 minuttir í sigrinum á Montenegro, og tað var 10'arin hjá Føroyum sum í 29. minutti beindi eitt innlegg frá Adrian Justinussen í málið hjá Montenegro.

Stefan gjørdist matchvinnari, og harvið hevur hann nú skorað trý mál í undankappingini. Øll málini hjá 20-ára gamla leikaranum eru komin á Svangaskarði. Føroyar hava spælt tríggjar dystir á leikvøllinum á Toftum í undankappigini, og Stefan hevur skorað í øllum: Til 1-2 í 3-1 ósigrinum fyri Aserbadjan í gjár, til 2-1 í sigrinum á Ísrael í farna mánaði, og so í gjár.

placeholder
placeholder