Fótbóltur

StÍF byrjaði við sigri í Klaksvík

Talan var um ein javnan dyst, tá Stjørnan tók ímóti StÍF, men útiliðið fór avstað við øllum.

Mina Lava Sirdal skoraði heili 11 mál í kvøld - so at siga helvtina av málunum hjá Stjørnuni - men StÍF var kortini omaná (Mynd: Norðlýsið)

Mina Lava Sirdal skoraði heili 11 mál í kvøld - so at siga helvtina av málunum hjá Stjørnuni - men StÍF var kortini omaná (Mynd: Norðlýsið)

2019-09-19 23:11 Author image
Agnar Prestá

Tað var fyrsti dysturin hjá hesum báðum liðunum í kappingarárinum. Í fjør hevði StÍF tað sera tungt, men liðið av vestara armi av Skálafjørðinum stóð seg væl í  fyrstu royndini. Sunnudagin vunnu mennirnir hjá hjá StÍF - í kvøld gjørdu kvinnurnar teimum kynstrið eftir

Tað var sera javnt gjøgnum tað mesta av fyrra hálvleiki. Men seinastu tíggju minuttirnar av hálvleikinum trekti útiliðið frá og var á odda við trimum í steðginum.

Stjørnan hekk í, í 2. hálvleiki og kom uppá javnt tvær ferðir. Men frá 48. minutti til 55. minutti avgjørdi StÍF so at siga dystin. Hetta tíðarskeiðið vunnu tær í hvítum 5-1, og komu harvið uppá +4. Tað gjørdist tað ov tungt hjá Stjørnini, og talan varð eitt vónbrot í fyrsta dystinum hjá klaksvíkskvinnum. 

Sunnudagin tekur StÍF ímóti Kyndli, og Stjørnan vitjar í Vestmanna.

SMS-deildin, 2. umfar: 
Mikudagin, 19. september
Stjørnan - StÍF 23-25 (10-13)

Toppskjúttar: Mina Lava Sirdal 11 mál, Erla Jansdóttir Petersen 6 mál

placeholder
placeholder