Støðan hjá Damar Hamlin er munandi batnað

Tað fór ein stórur skelkur gjøgnum USA og tey mongu, sum hugdu runt heimin, tá Damar Hamlin hjá Buffalo Bills small um og fekk hjartastøðg í NFL-stórdystinum í Cincinnati, Ohio týsnáttina. 

Verjuspælarin fekk eitt slag av stoyti í bringuna, reisti seg uppaftur, royndi at ganga, men small síðani um. Lívsbjargandi fyrstuhjálp varð framd á vøllinum, í sjúkrabilinum og Hamlin endaði á inntensivari deild og varð lýstur at vera í lívsvanda. Spælarar, venjarar, hjálparfólk áskoðarar, miðlar og onnur vórðu skelkaði, og dysturin varð ikki tikin uppaftur.

Josh Allen og restina av Buffalo Bills-spælarunum vóru á flogfari heim til Buffalo stutt eftir ógvusligu hendingina

Liðini í NFL hava øll skift profilmyndir sínar til "Pray for Hamlin" og eitt trý-tal - eisini er liturin á leikvallunum kring USA skiftur til teir hjá Buffalo Bills 

Tað er framvegis óvist nær - og um - hann verður tað, og tað er framvegis ikki greitt um Damar Halmin kemur seg heilt. Í gjármorgunin varð boðað frá, at neyðugt er við 50 prosent minni súrevni frá maskinum, og í dag verður boðað frá merkisverdari og stórari framgongd á universitetsjúkrahúsinum í Cincinnati.

Í fráboðan frá Buffalo Bills, ið Hamlin spælir fyri, og frá tíðindafólki á staðnum er hann neurologiskt óskalaður - heilin hevur tað lutfalsliga gott - lunguni hava tað betri, og samanlagt er tað stór framgongd hjá 24-ára gamla Damar Hamlin. Hann hevur millum annað fingið samskift við at skriva - hann spurdi læknarnar um Bills vann dystin - og Hamlin hevur eisini fingið kroyst hondina hjá avvarandi, ið vitja hann.

Alt hetta eru jalig tekin, nú NFL-heimurin og so nógv í USA hugsa um og biðja fyri spælaranum, sum var ógvuliga óheppin at fáa ein hjartasteðg undir dysti í ítróttini, sum hann hevur gjørt so nógv fyri. Ilt er at siga, hvussu leingi tað kann taka til Damar Hamlin møguliga kemur úr lívsvanda.

Meðan hann hevur ligið á inntensivari hevur grunnurin hjá Damar Hamlin, ið hevur til endamáls at savna inn pening til leikur og annað til trongd børn í økinum í Pittsburgh, har hann er vaksin upp, fingið ein vøkstur á fleiri 100 prosent. Fleiri enn fimm milliónir dollarar eru komnir inn seinastu samdøgrini.

Útmeldingin frá Buffalo Bills