Stór badmintonlega fyri ung í Føroyum í næstu viku

North Atlantic Camp er ein árlig badmintonlega. Eftir nógv ár kom steðgur í, tá koronufarsóttin og ymiskar leiðreglur løgdu meinbogar í vegin.

Tá datt legan niður fyri, men nú verður hon tikin upp aftur sum afturvendandi tiltak upp á skift í luttakandi londunum.

Hesum boðar Badmintonssamband Føroya frá.

Luttakarar eru ungir badmintonleikarar úr Grønlandi, Íslandi og Føroyum. Í ár eru 15  ung úr Føroyum, 12 úr Grønlandi og 11 úr Íslandi, og verður legan í Føroyum.

Badmintonhøllin í Havn verður karmur um venjingarnar. Royndi danski venjarin Andreas Bjerring stendur fyri teimum, meðan venjarar úr øllum trimum londum eisini eru til staðar og hava høvi at fáa íblástur, skrivar Badmintonssamband Føroya.