Annað

Stóra EM-kappingin á Hálsi er byrjað

Føroyar spæla tveir dystir í dag – fyrsti er móti Írlandi klokkan 15.

2019-01-04 09:45 Author image
Ingi Samuelsen

Stóra satsið hjá Flogbóltssambandi Føroya, EM undankappingin fyri U16 gentur í Stórhøllini á Hálsi, byrjar í dag.

Frá morgunstundini verða dystir, og innleiðandi kappingin heldur fram til út á kvøldið. Fyrsti dysturin byrjaði klokkan 8.30 millum Finnland og Ísland. Føroysku genturnar skulu spæla tveir dystir í dag.

Skráin fyri í dag er hendan:
kl.  8.30 Finnland-Ísland
kl. 10.30 Danmark-Írland
kl. 13.00 Svøríki-Ísland
kl. 15.00 Føroyar-Írland
kl. 17.30 Finnland-Svøríki
kl. 19.30 Danmark-Føroyar 

Allir dystirnir verða stroymdi beinleiðis her: https://www.youtube.com/channel/UCkaaCl-FzLSdOa-P8cazH-Q/live

Tað er ókeypis atgongd til allar dystirnar.

Fyrstu ferð
Hetta er yngsti árgangur, ið Flogbóltssambandið nakrantíð hevur havt við í altjóða kapping, so spenningur er um, hvussu tað fer at ganga.

Hetta er samstundis størsta einstaka kappingin, ið Flogbóltssambandið hevur fyriskipað.

Alt eftir, hvussu úrslitini hátta seg, verða fjórðings- og hálvfinalur spældar leygardagin, og dystirnir um endaligu plaseringarnar sunnudagin.

 

placeholder
placeholder