Stórsteypadystirnir eru á skránni um vikuskiftið

Eftir ein langan uppstart verður aðalroyndin hjá nøkrum liðum áðrenn kappingarbyrjan nú um vikuskiftið.

Stórsteypadystir eru á skránni á Tórsvølli. Í morgin, leygardagin klokkan 16:30 spæla menninir hjá Víkingi og HB, og sunnudagin klokkan 15 spæla kvinnurnar hjá NSÍ og KÍ. Har er NSÍ greipuvinnari, meðan KÍ kemur við sum silvurvinnari í landskappingini.

Talan er um eina spennandi sjónarroynd, nú tað er eitt sindur meira enn ein venjingardystur. Hjá monnum er bert ein vika til kappingarbyrjan - steypavinnarin HB spælir allarfyrsta dystin í Betrideildini móti B68 fríggjakvøldið 7. mars. Tveir dagar seinni spælir føroyameistarin Víkingur við Stóra móti TB.

Hjá kvinnum byrjar Betrideildin 19. mars.

Fótbóltssamband Føroya skrivar, at í hesum sambandi verður eisini skipað fyri lutakasti til fyrsta umfar í kappingini um Løgmanssteypið, sum er steypakappingin hjá monnum, og til fyrsta umfar í steypakappingini hjá kvinnum.

- Bæði lutakastini verða send beinleiðis á Rás 1 í Televarpinum. Aftaná dystin leygardagin millum Víking og HB verður lutakastið hjá monnum, og aftaná dystin sunnudagin millum NSÍ og KÍ, verður lutakastið hjá kvinnum.

Televarpið vísir dystirnar. Til ber at fylgja við beinleiðis ovast á forsíðuni hjá Portalinum