Stórtap fyri Norðurírlandi

Føroyar megnaðu at halda Norðurírlandi frá upplagdum málmøguleikum fyrstu løtuna. Í mun til hini mótstøðuliðini hjá Føroyum í bólkinum - serliga Noreg - tyktist norðurírar at mangla eitt sindur av góðsku av seinasta triðinginum og hevði heldur ikki vunnið í kappingini undan dystinum í dag. 

Tað var tó ikki heilt so galið, tí Norðurírland skoraði fýra ferðir innan tjúgu minuttir í 2. hálvleiki. Fyrst var tað Rachel Furness, ið skoraði við góðum skoti av brotsteigarmarkinum. Hon skoraði tvey mál, tá Føroyar og Norðurírland spældu í Belfast í HM-undankappingardysti í 2015 og spælir til dagliga við Liverpool FC.  Simone Magill spælir eisini í Premier League og hevur heimstað í Liverpool - Magill umboðar tó Everton. Áleyparin fekk tríggjar minuttir eftir 1-0 málið prikað bóltin í føroyska málið til 2-0. So koyrdi tokið, og føroysku kvinnurnar fingu hesa løtuna ikki heilt lukkað av, tó at nakrar stuttar løtur vóru á bóltinum.

Myndir: Føroyar - Norðurirland

Í 2. hálvleiki var betur. 5-0 málið kom, tá føroyska liðið ikki var í javnvág eftir eitt mótálop, og Heidi Sevdal lá niðri. Lauren Wade gjørdist tvífaldur málskjútti, men síðani stóð føroyska liðið væl ímóti . Leikararnir stríddust sera væl og høvdu gott fokus í verjustøðu, ið Føroyar fyri tað allarmesta vóru í . Millum annað stóðu Ásla Johannesen á vinstra bakki og 17-ára gamla Birita Ryan í í miðverjuni , sum spældi sín fyrsta A-landsdyst, sterkar í myndini. Føroyar fekk tó sera sjálvdan hótt og rann sera nógv aftaná og lat tíverri enn eitt mál inn eftir eitt hornaspark í 89. minutti.

Í 2014 spældu londini 0-0 javnleik á Tórsvølli. Norðurírland hevur flutt seg síðani tá, og fleiri leikarar spæla sum sagt í Premier League. Føroyska liðið var eisini rakt av, at nógvir roynir leikarar ikki eru við. Í mun til undankappingardystirnar í fjør so mangla millum annað Lív Finnbogadóttir Arge, Eyðvør Klakstein, Katrina Akursmørk og so Rannvá Biskopstø Andreasen, ið er givin.

Hetta var fyrsti unddankappingardystur í eitt ár, og Føroyar hava nú ein dyst eftir móti øllum liðunum. Higartil eru 31 mál farin inn í fýra dystum, og málið má verða at gera tað betri í umventu dystunum og at menna seg - føroyska landsliðið er týðiliga í einari uppbyggingartíð og er langt aftanfyri londini, ið tað spælir ímóti í undankappingini. Týsdagin taka Føroyar ímóti Hvítarusslandi á Tórsvølli í seinasta undankappingardystinum í EM-undankappingini.


Undankapping til EM 2022, bólkur C
Tórsvøllur 18/9
Føroyar - Norðurírland (0-4)
19' Rachel Furness 0-1
23' Simone Magill 0-2
27' Lauren Wade 0-3
38' Kirsty McGuinness 0-4
57' Lauren Wade 0-5

Føroyar (4-5-1): 
Eyðgerð Mikkelsen (HB) - Sanna Svarvadal (KÍ), Jacoba Langgaard (ÍVB), Birita Ryan, Ásla Johannesen (FC Nordsjælland - L)  - Julia Naomi Mortensen (HB), Elisabeth Vang (B36) Kára Djurhuus (HB) (83' Lea Lisberg, EBS/Skála), Heidi Sevdal (HB), Evy á Lakjuni (KÍ) (64' Jensa Kannuberg Tórolvsdóttir, ÍVB)  - Margunn Lindholm (NSÍ) (64' Sara Samson Lamhauge, HB).