Súna Krossteig Hansen til Ajax

Ajax København hevur skrivað undir við enn ein føroyskan landsliðsleikara. Í fjør fór Lív Sveinsbjørnsdóttir Poulsen til felagið, og nú hevur Súna Krossteig Hansen skrivað undir við felagið.

22 ára gamla havnadaman hevur verið profilur á besta liðnum hjá Kyndli í nógv ár, og nú er hugurin at royna seg uttanlands.

(Mynd: Ajax København)

Ajax København skrivar, at felagið hevur havt eyguni eftir Súnu Krossteig Hansen í longri tíð. 

Nú er tíðin hin rætta, og vit eru øll klár til, at Súna fer at spæla hjá okkum í donsku deildini, sigur Ajax København.

Tað rakk til eitt tíggjunda pláss hjá keypmannahavnarfelagnum í fjør við 19 stigum.