Kappróður

Sverri í fjórðingsfinalu í nátt

Fjórðingsfinalurnar í rógving eru framskundaðar vegna veður, og skal Sverri Sandberg Nielsen, ið vann innleiðandi róðurin í gjár longu rógva aftur klokkan 3.50 í nátt.

Sverri Sandberg Nielsen skal rógva í fjórðingsfinaluni í Tokyo stutt fyri klokkan fýra í nátt (Savnsmynd)

Sverri Sandberg Nielsen skal rógva í fjórðingsfinaluni í Tokyo stutt fyri klokkan fýra í nátt (Savnsmynd)

2021-07-24 14:28 Author image
Alda Nielsdóttir
placeholder

Fríggjanáttina róði Sverri Sandberg Nielsen seg í fjórðingsfinaluna í einskullara hjá monnum í OL í Tokyo, og longu í nátt skal 27 ára gamli miðvingurin rógva aftur.

Upprunaliga skuldi fjórðingsfinalan verða náttina til mánadagin, men vegna veður er róðurin nú fluttur til sunnunáttina í staðin, upplýsir danska landsliðið í rógving, sum Sverri umboðar.

Sverri Sandberg Nielsen skal rógva í 2. fjórðingsfinaluni klokkan 11.50 lokala tíð. Tað merkir, at róðurin verður klokkan 3.50 okkara tíð.

Í innleiðandi róðrinum fríggjanáttina var miðvingurin fyrstur á mál við tíðini 07.02.88. Alberto Gennaro di Mauri úr Italia og Vladislav Yakovlev úr Kasakstan endaðu á ávikavíst 2. og 3. plássi.

Í fjórðingsfinaluni skal Sverri kappast móti Dara Alizadeh úr Bermuda, Onat Kazakli úr Turkalandi, kanadiska Trevor Jones, russiska Alexander Vyazovkin, og Peter Purcell-Gilpin úr Zimbabwe.

Les eisini: Sverri vann innleiðandi róðurin trygt

placeholder
placeholder