Kappróður

Sverri tekur ein støðg

27-ára gamli miðvingurin segði fyri løtu síðani við DR, at hann steðgar við rógvingini í minst eitt ár, orsakað av millum annað pínu í rygginum, manglandi motivatión og nógvu tíðini rógvingin tekur frá lesnaðinum.

Sverri Sandberg Nielsen slær fast, at hann helst ikki vil enda á hendan hátt, tí tað kennist eitt sindur sum at geva upp, og tað talar ímóti hansara vinnaramentaliteti (Mynd: Rógvi Langgaard)

Sverri Sandberg Nielsen slær fast, at hann helst ikki vil enda á hendan hátt, tí tað kennist eitt sindur sum at geva upp, og tað talar ímóti hansara vinnaramentaliteti (Mynd: Rógvi Langgaard)

2021-08-27 12:29 Author image
Agnar Prestá
placeholder

- Beint nú havi eg tørv á einum støðgi. Eg eri trýstur fysiskt, við tí at eg havi nógva pínu - serliga í rygginum. Motivatiónin at halda fram er heldur ikki heilt har nú, og teir mongu tímarnir eg til dagliga nýti til venjing taka nógva tíð frá lesnaðinum

Soleiðis sigur rógvarin Sverri Sandberg Nielsen við DR Sporten seint fyrrapartin, í samband við at 27-ára gamli miðvingurin avúkar, at hann tekur ein støðg í minst eitt ár

Les eisini:
Sverri júst ov stuttur til OL-heiðursmerki
Sverri gevst helst á hægsta støði

Eftir vónbrotið í Tokyo sá tað út til, at Sverri Nielsen hevði róð sín síðsta róður á hægsta støði. Men hetta er als ikki vist: 

- Tað kennist eitt sindur sum at geva upp, og tað havi eg tað trupult við. Eg vil helst enda á einum staði, har eg føli, at eg havi fullført uppgávuna. Tískil verður talan um ein fyribils støðg, ístaðin fyri at eg gevist beint nú

Við hesum vil Sverri Sandberg Nielsen tó ikki siga, at hann heilt víst byrjar aftur - tað tekur hann støðu til einaferð næsta ár.

Føroyingurin kom trygt í OL-finaluna í single-scullara, men hóast evropameistarin byrjaði heilt væl í finaluni, so gjørdist hann júst ov stuttur í stríðnum um heiðursmerki.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder