Talv: Nú er Magnus tvey stig frammanfyri

Nú bendir okkurt á, at norðmaðurin Magnus Carlsen kann endurvinna heimsmeistaraheitið áðrenn øll 14 talvini eru telvað.

Fyri tveimum døgum síðani legði norski heimsmeistarin við hvítum fólki seg á odda í kappingini, tá hann vann eitt maratontalv í 136 leikum, har telvað varð í næstan átta tímar.

Í gjár samdust HM-telvararnir um javntalv eftir 41 leikir.

Í dag hevði Magnus aftur hvíta fólkið, og hann vann rættiliga lættliga sín annan sigur í hesi kappingini.

Tað kom sera óvæntað, at Jan Nepomniachtchi gjørdi eitt stórt mistak, og spældi ein leik, sum fekk HM-avbjóðaran at líkjast einum avbjóðara.

Síðani var ongin ivi um hvør fór at vinna. Russarin royndi at leingja talvið í vónini at finna ein møguleik fyri javnleiki, men hetta eydnaðist ikki. 

Magnus Carlsen liggur nú á odda 5-3. 14 talv verða telvað - tann, sum fyrst kemur upp á 7,5 stig, er heimsmeistari. Stendur á jøvnum eftir 14 talv, verður heimsmeistaraheitið avgjørt við snar- og kviktalvum.

Jan Nepomniachtchi (Mynd: EPA)