Toppskjúttin og ársins stjørnuskot í EB/Streymi heldur fram

Á ársveitsluni hjá EB/Streymir varð kunngjørt, at 20-ára gamli Gutti Dahl-Olsen var ársins stjørnuskot hjá monnum í 2022, og at hann hevði valt at leingja sáttmálan við felagið.

Hetta skrivar EB/Streymur á Facebook-síðu sínari:

- 20 ára gamli lokali leikarin hevur av álvara bitið seg fastan í álopið hjá okkum í ár. Hann fekk eisini heiðurin fyri ársins mál, og í ár er tað vorðið til 26 dystir og 7 mál fyri besta manslið okkara. Hóast sín unga aldur, so hevur Gutti longu spælt 74 dystir fyri besta manslið okkara.

Gutti varð toppskjútti í besta árinum hjá EB/Streymi síðani 2014, og í felagnum fegnast tey um, at lokali áleyparin hevur valt at leingja við og at fleiri góð mál komandi ár. 

EB/Streymur hevur eisini longt við javngamla verjuleikaran Mikkjal Hellisá.