Annað

Tórur danmarksmeistari við føroyskum meti í trístøkk

Legði 36 sentimetrar afturat sínum egna føroyska meti, hóast hann var 20 sentimetrar frá plankanum í atrenningini.

(Savnsmynd: Sverri Egholm)

(Savnsmynd: Sverri Egholm)

2021-02-22 13:31 Author image
Ingi Samuelsen
placeholder

Føroyski atleturin Tórur Mortensen vann um vikuskiftið innandura-danmarksmeistaraheitið í trístøkk við føroyskum meti.

Úrslitið kom ikki óvæntað, tí Tórur Mortensen hevur vunnið allar tríggjar kappingarnar innandura, sum hann hevur luttikið í ár. Hann var tí favorittur at ogna sær gullið, skrivar heimasíðan hjá ítróttafelagnum Hvirluni.

Longu í fyrsta lopinum bøtti Tórur enn einaferð um føroyska met sítt. Lopið var 15,01 metrar – tveir sentimetrar longri enn metið, hann setti fyri 14 døgum síðani.

Næstu trý lopini eydnaðust ikki so væl hjá Tóri, tí atrenningin miseydnaðist. Hann lá tó framvegis fremst, tá hann gjørdi seg tila t royna fimtu ferð.

Hesi Ziska nágreinar soleiðis hetta lopið – lopini, rættari sagt, tí talan er um trýstøkk – á heimasíðuni hjá Hvirluni:

“Ferðin í atrenningin var á góðari leið, men hann var í so lágur tá hann kom inn á plankan, og tí var hann noyddur til at geva ov nógv eftir, og harvið fekk hann ikki neyðugu kraftina í avsettið. Hann var tó tolin á plankanum og fekk tí ferðina við sær inn í næsta avsett umframt at hann fekk slyngu-effektina á avsett beini, sum harvið kom skjótt fram til at seta av til næsta lopið. Næsta lopið sat væl og somuleiðis tað síðsta. Hóast Tórur ikki kom inn á plankan í fyrsta lopinum, og harvið leyp minst 20 sentimetrar frá har lopið bleiv mátað, so gjørdist longdin 15,37 metrar. Harvið legði hann 36 sentimetrar afturat føroyska metinum.”

[object Object]
(Mynd: Hvirlan)

Sætta í síðsta lopið hjá Tóri miseydnaðist, men teir 15,37 metrarnir, hann leyp í fimta umfari, var næstan ein heilan metur longri enn besta lopið hjá tí, ið gjørdist nummar tvey. Tórur vann sostatt ein tryggan sigur og gjørdist sostatt danskur meistari fyri aðru fer.

Øll norðurlond hava nú havt síni meistaraheitir unnandura, og staðfestast kann nú, at Tórur liggur á sjeynda plássi á norðurlendska avrikslistanum. Framman fyri hann eru fýra sviar og tveir finnar.

Tá James Brendan Connoly úr USA vann OL-gull í trístøkk í fyrstu olympisku leikunum í 1896, leyp hann 13,71 metrar.

Onglendingurin Jonathan Edwards hevur heimsmetið í trístøkk – tað varð sett uttandura. Tað hendi 7. august 1995, tá hann leyp 18,29. Hann var tann fyrsti, ið leyp yvir 18 metrar, og bert 20 minuttir seinni setti hann metið, ið er galdandi tann dag í dag. 18,29 metrar er ein stórur markasteinur, tí tað svarar til júst 60 fót/føtur. (Kelda: wikipedia) 

placeholder
placeholder