Fótbóltur

Trýfaldu meistararnir í eldin í kvøld

Real Madrid tekur ímóti Roma, og favorittarnir skulu eisini royna seg á dystardegi 2 í Champions League bólkaspælinum.

Real Madrid hevur lyft steypið seinastu trý árini. Nú byrjar enn ein verja av heitinum - uttan Ronaldo
(Mynd: EPA)

Real Madrid hevur lyft steypið seinastu trý árini. Nú byrjar enn ein verja av heitinum - uttan Ronaldo (Mynd: EPA)

2018-09-19 12:32 Author image
Agnar Prestá

Fyrstu dystirnir í bólkaspælinum í Champions League vórðu leiktir í gjárkvøldið. Lionel Messi traðkaði av álvara inn í kappingina frá byrjan, og Liverpool tryggjaði sær uppiborið sigurin í seinastu løtu í stórdystinum á Anfield móti PSG

Les meira: Messi í hopla frá byrjan
                Liverpool tryggjaði sær sigurin í evstu løtu 

Úrslitini í gjár: 

Bólkur A: 
Monaco - Atletico Madrid 1-2 (1-2)
Club Brugge – Dortmund 0-1 (0-0)

Bólkur B: 
Barcelona – PSV 4-0 (1-0)
Inter Milan – Tottenham 2-1 (0-0)

Bólkur C:
Liverpool – PSG 3-2 (3-2)
Reyða Stjørna – Napoli 0-0

Bólkur D:
Schalke – Porto 1-1 (0-0)
Galatasaray - Lokomotiv Moskva 3-0 (1-0)

Í kvøld skulu hini 16 liðini spæla sín fyrsta dyst. Helst er spenningurin størstur um dystin í Madrid, ið danska TV 3 + eisini vísur. Har tekur trýfalda meistaraliðið ímóti Roma, ið kom heilt til hálvfinaluna í fjør. Nú skal Real av álvara vísa, at tað ber til uttan størstu stjørnuna, Cristiano Ronaldo. Hann spælir í Spania í kvøld; fyri sítt nýggja felag Juventus, ið er á vitjan hjá Valencia.

Bæði Manchester-feløgini skulu eisini í eldin. City er nevnt sum størsti favoritturin í ár av viðmerkjarunum og veddingarfyritøkunum. Liðið hjá Pep Guardiola tekur ímóti Lyon, har City er risafavorittur. Tað er eitt ávíst trýst á Jose Mourinho og United, ið spæla í Sveis í kvøld. United er greitt í favorittleiklutinum, men liðið plagar at tapa, tá leikt verður í Sveis.

Skráin í kvøld:

Bólkur E: 
Ajax - AEK Athen (Kl.17.55)
Benfica - Bayern (Kl.20.00)

Bólkur F: 
Shakhtar - Hoffenheim (Kl.17.55)
Manchester City - Lyon (Kl.20.00)

Bólkur G:
Real Madrid  - Roma
Viktoria Plzen - CSKA Moskva
(Báðir kl.20.00)

Bólkur H: 
Valencia - Juventus
Young Boys - Manchester United
(Báðir kl.20.00)
 


 

placeholder
placeholder