Fótbóltur

Tvær broytingar á KÍ liðnum: René Shaki og Jóannes byrja inni

Jóannes Kalsø Danielsen er tøkur aftur eftir leikbann, og René Shaki Joensen er komin somikið væl fyri seg, at hann byrjar inni.

Deni Pavlovic, ið byrjaði inni í fyrsta dystinum móti FC Differdange, er á bonkinum frá byrjan í kvøld. (Savnsmynd: Sverri Egholm)

Deni Pavlovic, ið byrjaði inni í fyrsta dystinum móti FC Differdange, er á bonkinum frá byrjan í kvøld. (Savnsmynd: Sverri Egholm)

2024-07-17 16:50 Author image
Áron Vest
placeholder

Liðuppstillingin hjá KÍ er ikki nógv broytt.

Eisini hendan dystin byrjar KÍ við trimum miðverjum, ið eru júst teir somu sum við byrjanaruppstillingini í fyrra dystinum.

Deni Pavlovic verður avloystur av Jóannesi Kalsø Danielsen úti á vongbakkinum, meðan René Shaki er komin inn á verjukenda miðvøllin, fyri Michael Williams. 

Á liðuppstillingini sæst, at Albert Ejupi stendur at hava leiklut á vonginum og Claes Kronberg er á sentra miðvøllinum, men helst verður tað í praksis hinvegin. Tað tykist vera rímiliga greitt, at Claes Kronberg verður brúktur á vinstra vongi, tí tað hevur leikgongdini higartil í ár víst ein greiðan tendens til.

Á pappírinum tykist liðið tí eitt sindur styrkt, serliga tá hugsað verður um hvørjir eru samspældir og hvørjir enn ikki heilt eru har. 

Hesir byrja inni fyri KÍ
3-4-3 // 5-4-1
Mark Jensen (MM), Alexander Berntsson, Børge Petersen, Cédric Yambéré, Patrick Da Silva, Claes Kronberg, René Shaki Joensen, Jóannes Kalsø Danielsen, Albert Ejupi, Árni Frederiksberg og Páll Klettskarð (L)

[object Object]Liðuppstillingin hjá KÍ. (Kelda: UEFA)

Dysturin kann síggjast á KÍ-Varpinum, har hann er til keyps.

UEFA Champions League 2024 1. umfar - seinni dysturin
Mikudagin 17. juli kl. 18:00
FC Differdange - KÍ (0-2)




placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder