Leygarkvøldið skal B36 spæla finalu um Løgmanssteypið á Tórsvølli. B36-hópurin fyrireikar seg nú til brakið, og felagið fyrireikar seg eisini til komandi árini.
Í seinastu viku longdi B36 samstarvið við argjamennirnar Alex Mellemgaard og Benjamin Heinesen. Í gjár kunngjørdi B36 á heimasíðu sínari, at Andrias Høgnason Eriksen og Eli Falkvard Nielsen hava gjørt tvey-ára sáttmála við felagið.
Stóri verjuleikarin og stríðsmaðurin á miðjuni umboðaðu báðir B36 fyri fyrstu ferð í fremstu deildini í 2014. Eli kom úr 07 Vestur, og vágamaðurin beit seg av álvara fastan á liðið í 2015. Hann hevur nú umboðað B36 yvir 100 ferðir. Andrias kom til B36 í 2013, og árið eftir var hann fastur í miðverjuni. Hann hevur spælt 110 dystir í Betri-deildini.
Bæði Andrias og Eli hava vunnið FM-heiti tvær ferðir við felagnum, og vóru í summar við til at spæla liðið víðari tvær ferðir í Europa League.
24-ára gamli Andrias og 25-ára gamli Eli verða helst at síggja á Tórsvølli leygarkvøldið og í B36 í øllum førum tvey ár fram.
Les eisini:
https://roysni.fo/b36-longt-vid-tveir-leikarar
Kelda: B36.fo og FaroeSoccer
Fótbóltur
Tveir leikarar afturat longt við B36
Verjuleikari og verjukendur miðvallari verða verandi í B36 til og við 2020.
Andrias Eriksen, her í steypafinaluni í fjør, kann í ár spæla finalu við nýggjum sáttmála við B36 í skjáttuni. Tað kann Eli F. Nielsen eisini (Mynd: Jens Kr. Vang)
2018-08-23 06:30
Vinarliga broyt tínar kennifíla - og privatlívsstillingar fyri at síggja hetta innihald