Fótbóltur

U18: HB vann stórsigur i í finaluni

Dánial Mørkøre og Edvard Falkenberg gjørdu hvør sítt hattrikk, og síðstnevndi varð kosin dagsins spælari, tá HB setti Víking uppá pláss á Tórsvølli.

Har vóru nógv mál at fegnast um hjá HB leygardag (Mynd: Rói Sørensen/HB)

Har vóru nógv mál at fegnast um hjá HB leygardag (Mynd: Rói Sørensen/HB)

2026-09-06 20:59 Author image
Agnar Prestá
placeholder

Finalan um Løgmanssteypið var í miðdeplinum í gjár, men ein onnur steypafinala var á Tórsvølli leygardagin.

Seinnapartin leygardagin hittust U18 dreingjaliðini hjá HB og Víkingi - hesi feløgini vóru eisini í U15-finaluni hósdagin.

Sí eisini: U15: HB fór við fyrsta steypinum

Eins og tá, var HB greitt omaná móti liðnum úr Eysturkommunu: Úrslitið varð 7-0 til teir reyð-svørtu, sum vóru odda 4-0 í hálvleikinum.

HB vísti flott spæl og var sannførandi allan vegin. Enn eitt úrslit, sum skapar spenning um framtíðina í HB.

Dánial Mørkøre og Edvard Falkenberg skoraðu trý mál hvør, meðan Jónas Sigtórsson gjørdi eitt. Aftaná dystin varð Edvard Falkenberg kosin til dagsins spælara.

[object Object]
Edvard Falkenberg fekk heiður eftir finaluna (Mynd: Rói Sørensen/HB)

[object Object]Dánial Mørkøre vendi aftur til HB úr Vejle í summar - hann skoraði tríggjar ferðir á Tórsvølli í gjár (Mynd: Rói Sørensen/HB)

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder