Annað

U18 landsliðini í sandflogbólti fyri fyrstu ferð til EM

Hákun Nón og Rani Ákason manna liðið hjá dreingjum og Osla Johannesen og Maria Teresu Vitalis hjá gentum. Tey skulu í dag royna at spæla seg víðari í Georgia.

Føroyska ferðalagið. Fyri kortum hava hesi roynt seg í øðrum kappingum innand sandflogbólt (Mynd: Flogbóltssamband Føroya)

2024-07-10 08:20

Agnar Prestá

U18 landsliðini hjá gentum og dreingjum í sandflogbólti skulu hesar næstu dagarnar luttaka í evropameistarakapping í Georgia. Kappingin er í døgunum 10. juli til 14. juli. Dystarskráin hjá liðunum verður løgd eftir styrkismetingini hjá einstøku londunum.

Hetta skrivar Flogbóltssamband Føroya.

Fyrr í summar hava tey roynt seg aðrastaðni, men av tí at tað er fyrstu ferð, at Føroyar eru við til EM í sandflogbólti, skulu bæði genturnar og dreingirnir spæla undankapping í dag, mikudagin 10. juli.

Talan er um tvey lið við tveimum spælarum á hvørjum liði. Osla Johannesen og Maria Teresa Vitalis eru longu farnar í gongd í morgun, og Hákun Nón og Rani Ákason manna liðið hjá dreingjum, ið spælir klokkan 10 føroyska tíð.

Ferðalagið við teimum, høvuðsvenjaranum Oleksandr Dmytriiev, hjálparvenjaranum Bobani Ilic og liðleiðaranum Berit Norðoy kom til Kachreti í Georgia tíðliga í gjár.

Í undankappingini eru Hákun og Rani í bólki við liðum úr Andorra og Armenia. Osla og Maria Teresa eru í bólki við liðum úr Rumenia, Armenia og Aserbadjan.

Tvey lið í hvørjum bólki koma víðari til sjálva kappingina um evropiska meistaraheitið, sum verður 11. - 14. juli, skrivar FBF:

Dystarskráðin í dag 10. juli sær soleiðis út

Gentir:

Dystur 1. Kl. 07.00: Baciu og Murgoci (ROU) - Tonoyan og Tonoyan (ARM)

Dystur 2. Kl. 07.00: Alizada og Latsabidze (AZE) - Johannesen og Vitalis (FAR)

Dystur 3. Kl. 10.00: Vinnari av dysti 1 - Vinnari av dysti 2

Dystur 4. Kl. 10.00: Tapari av dysti 1 - Tapari av dysti 2

Dystur 5. Kl. 13.00: Tapari av dysti 3 - Vinnari av dysti 4

Dreingir:

Dystur 1. Kl. 07.00: L. Tagliaferro og Ribeiro (AND) - Aleksanyan og Kesoyan (ARM)

Dystur 2. Kl. 10.00: Nón og Ákason (FAR) - Aleksanyan og Kesoyan (ARM)

Dystur 3. Kl. 13.00: L. Tagliaferro og Ribeiro (AND) - Nón og Ákason (FAR)

Dystirnir verða stroymdir á: https://1tv.ge/sporti/

Vinarliga broyt tínar kennifíla - og privatlívsstillingar fyri at síggja hetta innihald