U19-menninir vunnu stórt í Bulgaria

Føroyar U19 - Bulgaria U19 40-25 (18-14)

Føroysku U19-menninir vunnu stórt móti vertunum í EHF Championship kappingini.

Kappingin sum er fyri lið, sum ikki luttaka í EM-endaspælinum, verður leikt í Bulgaria næstu dagarnar.

Frá byrjan vístu føroysku leikararnir, at hetta var ein dystur, sum skuldi vinnast. Føroyar løgdu seg á odda beinanvegin, og vóru á odda við fýra málum tá fimtan minuttir vóru leiktir. Í steðginum vóru fýra mál á muni við støðuni 18-14.

Tíðliga í seinna hálvleiki hálaðu bulgarar spakuliga inn á føroyingar, og munurin fór niður í trý mál. Nærri kom Bulgaria ikki, og restina av dystinum sótu føroyingar á tí mesta, og vunnu við fimtan málum, 40-25.

Elias Ellefsen á Skipagøtu gjørdist toppskjútti við 8 málum, og varð eisini kosin dagsins leikari hjá Føroyum.

Dystargongdin
5 min: 3-2
10 min: 8-6
15 min: 12-8
20 min: 13-9
25 min: 16-11
30 min: 18-14
35 min: 21-16
40 min: 24-21
45 min: 27-22
50 min: 31-23
55 min: 35-24
60 min: 40-25