U21: NSÍ fór avstað við FM

Lagt var upp til eina spennandi avgerð í U21-deildini í gjárkvøldið, tá HB vitjaði við Løkin. Undan dystinum var HB nummar eitt við 28 stigum, og NSÍ hevði 27 stig. Harvið skuldi heimaliðið vinna í útsetta dystinum, og tað eydnaðist eisini.

NSÍ vann 2-0 við tveimum málum í 1. hálvleiki. Jannik Mathias Olsen og Sølvi Sigvardsen skoraðu málini, og eftir seinasta bríksl kundu runavíkingar lyfta steypið og fegnast.