Undrið flytur til Hoyvíkar

Fótbóltsfelagið Undrið skrivaði í gjárkvøldið m.a soleiðis á sínari Facebook-síðu:

- Eftir at hava spælt 12 ár í Gundadali, hevur nevndin valt at okkara komandi heimadystir skulu spælast á Hoyvíksvøllinum. Umstøðurnar eru ikki so góðar í Gundadali, sum tær hava verið, nú Niðari Vøllur ikki er tøkur at spæla á meira, og bæði HB og B36 hava fleiri lið enn nakrantíð. 

Fremsta liðið hjá Undrinum er í 2. deild og kappaðist í fjør við B36 og EB/Streym um uppflyting. Undrið endaði á 3. plássi. 

Felagið skrivaði eisini, at venjarar og leikarar eru samdir um hesa avgerðina, og at nevndin metir, at flytingin til Hoyvíkar gevur góðan møguleika fyri at mennast sum felag.