Uros er nú skálamaður

Uros Stojanov var ofta á máltalvuni meðan hann spældi við ÍF. Hann kom til Føroya at spæla við fuglfirðingum í 2021, men í fjørsummar valdi hann at royna eydnuna í B36.

(Mynd: Jens Kr. Vang)

Men í B36 hevur ikki hilnast væl, og nú er greitt at hann altso ikki verður at síggja í hvíta búnanum longur.

(Mynd: Sverri Egholm)

Uros Stojanov hevur skift til Skála. Tað váttar hann sjálvur á Facebook. Uros vandi longu í gjárkvødið eisini við hópinum.

Sunnudagin er botndystur á skránni ímóti B68 og tá verður nýggi áleyparin hjá skálamonnum við. Skála og B68 liggja aftast í deildini við fimm stigum í part.