Kappróður

Útseta kappróðurin til sunnudagin

Norðoyastevnuróðurin verður fluttur til sunnudagin. Orsøkin er keðiliga veðrið, sum verður í morgin.

(Savnsmynd: Jens Kr. Vang)

(Savnsmynd: Jens Kr. Vang)

2020-06-05 14:31 Author image
Sverri Egholm
placeholder

Nógvur vindur, lættir bátar á viðfestisvognum og kappróður rigga illa saman. Tað hevur fingið Róðrarsambandið at útseta ársins fyrsta kappróður, sum skuldi vera á Norðoyastevnu í Klaksvík seinnapartin í morgin.

Ístaðin verður hann sunnudagin tá veðurforsøgnin sigur frá minni vindi.

Starttíðirnar fyri barnaróðurin verða framskundaðar 25 min. Aðrar starttíðir eru sum áður fráboðað.

83 bátsmanningar hava boðað frá luttøku á Norðoyastevnu. Byrjað verður beint fyri hálvgun eitt sunnudagin.

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder